Treinamlentu Nasional Seguransa Dijital ba Dala 2 Ofisialmente Loke Husi Primeiru Ministru Timor-Leste Eng. Mariano Assanami Sabina
Fundasaun Hadomi Timor (FHT), iha parseria ho Asia Centre no hetan apoiu husi The Asia Foundation in Timor-Leste (TAF), hala’o ho susesu Treinamentu Nasionál Seguransa Dijitál ba dala 2 iha loron 23 Outubru 2025, ne’ebé hala’o iha Salaun UNDIL, Dili.
Formasaun ne’e ofisialmente loke husi Vise Primeiru Ministru Timor-Leste S.E. Sr. Eng.Mariano Assanami Sabino akompana husi Deputy Country Representative The Asia Foundation iha Timor-Leste, Sra. Heidi Arbuckle no Kartini Sunityo (Karin) husi Asia Centre, iha abertura S.E Sr. Assanami informa kompromisu nasionál no IX Governu Konstituisional ne’ebé forte hodi promove prátika dijitál sira ne’ebé seguru, inkluzivu no reziliente ba komunidade no foinsa’e sira.
Iha sesaun abertura ida ne’e, Sr. Nicho Linux nudar Diretór Ezekutivu FHT nian, halo introdusaun no aprezenta objetivu husi formasaun ne’e ho hateten katak formasaun atu hametin konxiénsia kona-ba seguransa dijitál no fó kbiit ba partisipante sira hodi proteje sira-nia an individualmente no sira-nia instituisaun iha online.
Diskusaun Painél ne’e medora husi Sr. Yohanes Dos Santos ho Orador sira mak hanesan tuir mai ne’e:
– Nicho Linux – Diretór Ezekutivu, FHT
– Kartini Sunityo – Jerente Parseria, Asia Centre
– Dr. Abel da Silva Pires, PhD, Eis Deputadu no Ministru Obras Publika
– Marta da Silva – Peskizadora La’o Hamutuk
Sesaun formasaun kona-ba Prátika sira Seguransa Dijitál no Siberseguransa nian fasilita hosi Sra. Kartini Sunityo (Asia Centre), ne’ebé envolve ezersísiu interativu sira no fahe koñesimentu prátiku.
Partisipante sira husi sosiedade sivíl, grupu foin-sa’e sira, akademia, media no organizasaun ema ho defiensia sira, iha treinamentu ne’e sira diskute dezafiu sira siberseguransa lokál nian hanesan Scam, phishing, Violasaun dadus, no hahalok online ne’ebé la responsavel, enkuantu esplora maneira sira atu hasa’e konxiénsia kona-ba seguransa dijitál iha sira nia komunidade.
Inisiativa ida-ne’e halo parte iha FHT nia kompromisu ba tempu naruk hodi hametin reziliénsia dijitál no promove seguransa online iha Timor-Leste laran tomak.
Galeria
