Divizaun Inkluzaun Dijitál, Polítika & Demokrasia
Objetivu: Atu lidera advokasia, edukasaun no peskiza kona-ba direitu dijitál, Liberdade espresaun, partisipasaun demokrátiku, literasia dijitál no enkuadramentu legál sira
Area Servisu:
Divizaun Inkluzaun Dijitál, Polítika & Demokrasia foku ba proteje no promove direitus umanus, liberdade demokrátiku iha espasu dijitál no hametin kapasidade dijitál sira iha sosiedade nia leet, liu husi monitoriza dezenvolvimentu polítika dijitál ho demokrátiku, defende direitu sira online hanesan privasidade no liberdade espresaun no apoia diálogu inkluzivu kona-ba utilizasaun étika teknolojia. Divizaun ne’e mos promove literasia dijitál, hanoin krítiku no edukasaun sívika hanesan ferramenta esensiál sira ba partisipasaun sívika no demokrátika ne’ebé informadu, inkluzaun, reziliénsia teknolójiku no hola papel atu promove servisu hamutuk entre sosiedade sivíl, governu, akademia no setór privadu hodi influensia polítika dijitál, reforma enkuadramentu legal no integrasaun edukasionál. Envolve mos iha peskiza, monitorizasaun no advokasia ba esforsu nasionál sira relasiona ho dezenvolvimentu infraestrutura dijitál, governasaun eletrónika, demokrasia, ekonomia dijitál no servisu públiku dijitál sira.
Programa Prinsipál sira:
-
Programa Advokasia Direitu Dijitál, Polítika & Demokrasia
-
Konxiénsia Direitu Online, Envolvimentu Síviku, Seguransa Dijitál no Inisiativa Reziliénsia
-
Programa Peskiza, Monitorizasaun & Governasaun Demokratiku
Divizaun Edukasaun, Formasaun & Programa Sustentável
Objetivu: Atu fornese edukasaun naun-formál ho kualidade no formasaun profisionál ne’ebé apoia empoderamentu foinsa’e sira hodi hatan ba merkadu servisu no promove inisiativa estratejiku sira hodi garante sustentábilidade organizasaun.
Area Servisu:
Divizaun ida ne’e jere FHT nia programa edukasaun naun-formál sira, ne’ebé oferese oportunidade aprendizajen prátiku no asesivel ba foinsa’e Timoroan sira. Divizaun ne’e mos foka ba abilidade dijitál, lingua no abilidade teknika profesional sira seluk, iha ne’ebé adapta no kumpre objetivu sira empregu no empreendedorizmu nian. Programa sira ne’e mós halo parte iha FHT nia estratéjia sustentabilidade.
Programa Prinsipál sira:
a. Harii Sentru Dezenvolvimentu Rekursu Humanu Inkluzivu no Sustentavel
Divizaun Media & ICT
Objetivu: Atu hametin mídia no komunikasaun dijitál, dezenvolve no adapta ba teknolojia informasaun ne’ebé ho inkluzivu, seguru no sustentável hodi fo impaktu sosiál, politika no ekonomia ne’ebé signifikativu.
Area Servisu:
Divizaun Mídia no ICT kombina komunikasaun kriativu no dijital hodi hametin FHT nia prezensa iha mídia no dezenvolve plataforma dijitál sira ne’ebé sustentável. Divizaun ida ne’e jere organizasaun nia plataforma dijital no komunikasaun, lidera kampaña dijitál, mídia sosiál, esplora integrasaun globál husi plataforma dijitál sira, multimedia no ferramenta midia ho meus komunikasaun sira seluk, enkuantu mantein funsionamentu sistema dijital subajente sira ne’ebé apoia FHT nia operasaun, kapasita foinsa’e, partisipasaun sívika, promove open source no software livre, no inovasaun ho teknolojia informasaun hodi hatán ba dezafiu sira iha mundu reál liu husi teknolojia midia no dijital.
Programa Prinsipál sira:
a. Mídia Dijitál & Komunikasaun
b. Digitalizasaun
c. Digital Society & Community Resilience
Divizaun Finansa, Administrasaun & Operasional
Objetivu: Atu asegura funsionamentu no operasional organizasaun nian ne’ebé transparente, responsavel no efisiente hodi suporta FHT nia misaun.
Area Servisu:
Divizaun Finansa, Administrasaun no Operasional fornese apoiu vital ka nudar motor ba atividade FHT hotu-hotu. Divizaun ne’e jere finansa, aprovizionamentu, rekursu humanu, tau matan ba koordenasaun voluntáriu, polítika internu, harii sistema sira ne’ebé forte no servisu operasional revelante sira seluk hodi permite organizasaun atu buras ho sustentável no adapta ba dezafiu sira iha futuru.